Ranabaali Box Office Collections: విజయ్ దేవరకొండ, రష్మిక మందన్న జంటగా రాహుల్ సాంకృత్యాయన్ తెరకెక్కించిన ‘రణబాలి’ బాక్సాఫీస్ వద్ద బ్రేక్ ఈవెన్ దాటింది. ట్రేడ్ వర్గాల సమాచారం ప్రకారం ఇప్పటివరకు ప్రపంచవ్యాప్తంగా రూ.45.71 కోట్ల షేర్, రూ.94–95 కోట్ల గ్రాస్ వసూలు చేసింది. రెండో వారంలో, అదీ వర్కింగ్ డేస్‌లో కూడా థియేటర్లు నిండుతుండటం సినిమాకు కలిసొస్తోంది.
ఏరియాల వారీగా షేర్
| ఏరియా | షేర్ |
| నైజాం | రూ.19.43 కోట్లు |
| సీడెడ్ | రూ.6.12 కోట్లు |
| ఆంధ్రా | రూ.12.00 కోట్లు |
| ఏపీ, తెలంగాణ మొత్తం | రూ.37.55 కోట్లు |
| కర్ణాటక, రెస్ట్ ఆఫ్ ఇండియా | రూ.3.42 కోట్లు |
| ఓవర్సీస్ | రూ.4.74 కోట్లు |
| ప్రపంచవ్యాప్తంగా | రూ.45.71 కోట్లు |
ఇవి ట్రేడ్ వర్గాల అంచనాలు మాత్రమే. నిర్మాతలు అధికారికంగా ప్రకటించలేదు.
బ్రేక్ ఈవెన్ ఎక్కడెక్కడ?
సినిమా బ్రేక్ ఈవెన్ టార్గెట్ సుమారు (Ranabaali Box Office Collections)రూ.42 కోట్ల షేర్. ముందుగా నైజాం, సీడెడ్‌లో టార్గెట్ దాటగా, ఆ తర్వాత ఆంధ్రా, కర్ణాటక, రెస్ట్ ఆఫ్ ఇండియాలోనూ లాభాల్లోకి వచ్చింది. ఓవర్సీస్‌లో మాత్రం ఇంకా కొంత నష్టం ఉండొచ్చని ట్రేడ్ అంచనా.
వర్కింగ్ డేస్‌లోనూ నిలకడ(Ranabaali Box Office Collections)
సాధారణంగా రెండో వారానికి వసూళ్లు పడిపోతాయి. రణబాలి విషయంలో మాత్రం వర్కింగ్ డేస్‌లోనూ ఆక్యుపెన్సీ బాగానే ఉంది. ఆంధ్రాలో 70 శాతం, నైజాంలో 68 శాతం, సీడెడ్‌లో 62 శాతం ఆక్యుపెన్సీ నమోదైంది.
వరుస ఫ్లాపుల తర్వాత ఊరట
గత కొన్ని సినిమాలు ఆశించిన ఫలితం ఇవ్వకపోవడం, సోషల్ మీడియాలో నెగెటివ్ ప్రచారం.. ఈ నేపథ్యంలో విజయ్ దేవరకొండకు ఈ విజయం కీలకం. వరుస పరాజయాల తర్వాత చాలామంది హీరోలు ఎలివేషన్లు, ఐటమ్ సాంగ్స్ ఉండే సేఫ్ కమర్షియల్ సినిమా వైపు వెళ్తారు. విజయ్ మాత్రం స్వాతంత్ర్య పోరాట నేపథ్యంలో ఒక భిన్నమైన పాత్రను ఎంచుకున్నారు. స్వాతంత్ర్య నేపథ్య కథలు ఇప్పటికే చాలా వచ్చినా, రాహుల్ సంకృత్యన్ కథను చెప్పిన తీరు ప్రేక్షకులకు నచ్చింది. విజయ్, రష్మిక జోడీ కూడా మరోసారి వర్కౌట్ అయింది. సినిమా బ్రేక్ ఈవెన్ చేరేవరకు విజయ్ ప్రమోషన్లలో చురుగ్గా పాల్గొనడం కూడా వసూళ్లకు ఉపయోగపడింది.
‘ఆదర్శ కుటుంబం’తో థియేటర్లకు కోత
ఇక సినిమా లాంగ్ రన్‌కు అసలు పరీక్ష కొత్త సినిమాల విడుదల. ముఖ్యంగా ‘ఆదర్శ కుటుంబం’కు ఆంధ్రా ప్రధాన మార్కెట్ కావడంతో అక్కడ రణబాలి స్క్రీన్లు తగ్గే అవకాశం ఉంది. నైజాం, సీడెడ్‌లో మాత్రం చాలావరకు థియేటర్లు కొనసాగవచ్చని ట్రేడ్ అంచనా. థియేటర్లు తగ్గినా, మిగిలిన చోట్ల ఆక్యుపెన్సీ బాగుంటే వసూళ్లు ఇంకొన్ని రోజులు కొనసాగుతాయి.
రూ.100 కోట్ల గ్రాస్ చేరుతుందా?
ప్రస్తుతం రూ.94–95 కోట్ల గ్రాస్ వద్ద ఉన్న రణబాలి, రూ.100 కోట్ల మార్క్ చేరాలంటే మరో రూ.5–6 కోట్ల గ్రాస్ రావాలి. ఈ వారం ఆక్యుపెన్సీ ఇలాగే ఉంటే అది సాధ్యమే. కొత్త సినిమాల పోటీతో వసూళ్లు నెమ్మదిస్తే మాత్రం ఆ మార్క్ కష్టమవుతుంది. రాబోయే వారాంతం ఈ విషయాన్ని తేల్చనుంది.
