Mahesh Babu Shortgun Games: సూపర్ స్టార్ మహేష్ బాబు గేమింగ్ రంగంలోకి అడుగుపెట్టారు. ముంబైకి చెందిన గేమ్ స్టూడియో Shortgun Games లో స్ట్రాటజిక్ ఇన్వెస్టర్‌గా చేరారు. ఈ విషయాన్ని ఇన్‌స్టాగ్రామ్‌లో ఫౌండర్లతో దిగిన ఫోటోలతో పంచుకున్నారు. పోస్ట్ పెట్టిన గంటలోనే 1.6 లక్షలకు పైగా లైక్స్ వచ్చాయి.
మహేష్ ఏం చెప్పారు?
పీసీ, కన్సోల్ గేమ్స్ తదుపరి తరాన్ని నిర్మిస్తున్నారని మహేష్ క్యాప్షన్‌లో రాశారు. స్టూడియో ఫౌండర్లు జీత్ చందన్, విధిత్ మెహతాలతో మంచి చర్చ జరిగిందని, ‘ప్రాజెక్ట్ టేక్‌డౌన్’ కోసం సిద్ధమవుతున్న ఈ ప్రయాణంలో భాగం కావడం ఉత్సాహంగా ఉందని చెప్పారు.
Shortgun Games తన అధికారిక పోస్ట్‌లో మహేష్‌ను స్ట్రాటజిక్ ఇన్వెస్టర్‌గా ప్రకటించింది. భారత్‌ను గ్లోబల్ పీసీ, కన్సోల్ గేమింగ్ మ్యాప్‌లో నిలబెట్టాలనే తమ లక్ష్యానికి ఆయన మద్దతు ఇస్తున్నారని రాసింది. #SSMBxShortgunGames హ్యాష్‌ట్యాగ్‌తో పాటు పీఎస్5, ఎక్స్‌బాక్స్ ట్యాగ్‌లు కూడా పెట్టింది.
View this post on Instagram
Shortgun Games ఎవరు? (Mahesh Babu Shortgun Games)
ఈ స్టూడియోను 2021లో విధిత్ మెహతా, జీత్ చందన్ స్థాపించారు. భారతదేశపు మొదటి మల్టీప్లేయర్ షూటర్ గేమ్ ‘రోగ్ హైస్ట్’ ఒరిజినల్ సృష్టికర్తలే ఇందులో ఉన్నారు. గత ఏడాది ఆగస్టులో ఏంజెల్ ఇన్వెస్టర్ల నుంచి $1 మిలియన్ సీడ్ ఫండింగ్ సమీకరించింది. తర్వాతి రౌండ్‌లో మరో $5 మిలియన్ సేకరించాలన్నది ప్లాన్. ఈ ఏడాది ఏప్రిల్‌లో క్రియేటివ్ స్టూడియో GiantDot లో 30 శాతం వాటా కొనుగోలు చేసింది.
స్టూడియో ఫ్లాగ్‌షిప్ ప్రాజెక్ట్ ‘ప్రాజెక్ట్ టేక్‌డౌన్’. కథకు ప్రాధాన్యం ఉన్న, వేగంగా సాగే సినిమాటిక్ థర్డ్-పర్సన్ షూటర్ ఇది. ఆర్ఆర్ఆర్, ఉరి సినిమాలకు పనిచేసిన యాక్షన్ డైరెక్టర్ విక్కీ అరోరాతో కలిసి స్టూడియో గతంలో పనిచేసింది.
మహేష్‌కు కొత్త కాదు
పెట్టుబడుల విషయంలో మహేష్‌కు ఇది కొత్త అనుభవం కాదు. ఏషియన్ గ్రూప్‌తో కలిసి AMB సినిమాస్ థియేటర్ వ్యాపారంలో భాగస్వామి అయ్యారు. తన సంస్థ GMB ఎంటర్‌టైన్‌మెంట్ ద్వారా న్యూట్రాస్యూటికల్ స్టార్టప్ ఫిట్‌డేలో కూడా పెట్టుబడి పెట్టారు. గేమింగ్ ఆయన వ్యాపార జాబితాలో చేరిన కొత్త రంగం.
సినిమాల పరంగా మహేష్ ప్రస్తుతం రాజమౌళి దర్శకత్వంలో ‘వారణాసి’ చేస్తున్నారు. ఇందులో ఆయన రుద్ర పాత్రలో కనిపిస్తారు. ప్రియాంక చోప్రా, పృథ్వీరాజ్ సుకుమారన్ కీలక పాత్రల్లో నటిస్తున్న ఈ సినిమా 2027 ఏప్రిల్ 7న ప్రపంచవ్యాప్తంగా విడుదల కానుంది.
మహేష్ ఎంత పెట్టుబడి పెట్టారు, ఎంత వాటా తీసుకున్నారన్న వివరాలు (Mahesh Babu Shortgun Games)ఇంకా బయటికి రాలేదు. ‘ప్రాజెక్ట్ టేక్‌డౌన్’ ఎప్పుడు విడుదలవుతుందన్న దానిపై కూడా స్పష్టత లేదు.
