Sai Dharam Tej Engagement : మెగా కుటుంబంలో శుభకార్యం మొదలైంది. సుప్రీమ్ హీరో సాయి దుర్గ తేజ్ (గతంలో సాయి ధరమ్ తేజ్) నిశ్చితార్థం నవంబర్ 5న హైదరాబాద్‌లో కుటుంబ సభ్యులు, సన్నిహితుల సమక్షంలో జరిగింది. వేడుక ఫోటో సోషల్ మీడియాలో వైరల్ అవుతోంది. తేజ్ మరో జీవితానికి అడుగులు వేస్తున్నారని మెగా అభిమానులు సంబరపడుతున్నారు.
ఎంగేజ్‌మెంట్ సాదాసీదాగా
ఎలాంటి ఆడంబరాలు లేకుండా, ఇరు కుటుంబాల అత్యంత సన్నిహితుల మధ్య ఈ వేడుక జరిగినట్టు సమాచారం. సింపుల్‌గా జరిగినా మెగా ఇంట్లో పండుగ వాతావరణమే నెలకొందని తెలుస్తోంది. వేడుకలో అందరూ సంప్రదాయ దుస్తుల్లో కనిపించారు.
వధువు పేరు కిరణ్
పెళ్లికూతురు ఎవరన్నది ఇన్నాళ్లూ కుటుంబం గోప్యంగా ఉంచింది. ఇప్పుడు రామ్ చరణ్ తన సోషల్ మీడియా ఖాతాలో వేడుక ఫోటోతో “డియర్ తేజ్, కిరణ్‌లకు అభినందనలు” అంటూ పోస్ట్ చేయడంతో వధువు పేరు “కిరణ్” అని బయటకు వచ్చింది. ఇద్దరికీ అంతులేని ప్రేమ, జీవితకాల ఆనందం కలగాలని కోరుకుంటూ #KiranTejForever హ్యాష్‌ట్యాగ్ కూడా పెట్టారు. ఆమె గురించి పేరు తప్ప ఇతర వివరాలు ఇంకా అధికారికంగా వెల్లడి కాలేదు. కుటుంబం చెప్పేవరకు ఆ వివరాల కోసం వేచి చూడాల్సిందే.
Congratulations, dear @IamSaiDharamTej and #Kiran, on this beautiful new beginning ❤️
Wishing you both endless love, togetherness and a lifetime of happiness. So happy for both of you!
#KiranTejForever https://t.co/eJ7g9I5S2X— Ram Charan (@AlwaysRamCharan) November 5, 2026
పెళ్లి ఎప్పుడు?
నిశ్చితార్థం తర్వాత డిసెంబర్‌లో పెళ్లి ఉంటుందని సినీ వర్గాల్లో ప్రచారం సాగుతోంది. (Sai Dharam Tej Engagement )డిసెంబర్ 10న హైదరాబాద్‌లో ముహూర్తం ఖరారైందన్న వార్తలు కూడా వినిపిస్తున్నాయి. అయితే పెళ్లి తేదీ, వేదికపై కుటుంబం అధికారిక ప్రకటన చేయలేదు. గత ఏడాది నవంబర్‌లో తిరుమలలో దర్శనం తర్వాత తేజ్ తన పెళ్లి వచ్చే ఏడాది ఉంటుందని మీడియాకు చెప్పారు.
సినిమాల్లో బిజీ
వ్యక్తిగత జీవితంలో కొత్త అధ్యాయానికి సిద్ధమవుతున్న తేజ్ సినిమాల పరంగా కూడా బిజీగా ఉన్నారు. ఆయన నటిస్తున్న ‘సంబరాల ఏటిగట్టు’ (SYG) పోస్ట్ ప్రొడక్షన్‌లో ఉంది. రోహిత్ కె.పి. దర్శకత్వం వహిస్తున్న ఈ యాక్షన్ సినిమాపై ఇప్పటికే మంచి అంచనాలు ఉన్నాయి. చాలా కాలం తర్వాత మెగా కుటుంబంలో మరో పెళ్లి సందడి మొదలవుతోంది. తేజ్‌కు సోషల్ మీడియాలో శుభాకాంక్షలు వెల్లువెత్తుతున్నాయి.
